Huakina mai te tatau o te whare o te reo. Tomo mai kia pāinaina ai tātou i te takuahi o Te Ao KITA e ngiha nei, e whitawhita nei. Takahia mai te iho nui i takahia rā e rātou ka noho hei tapuwae i te rongo maraeroa o Tahu.

Ko te aronga matua o tēnei kaupapa, he whakakotahi i a tātou mā roto i te pā whutupōro, ā, mātāmua he whakaora, he whakapakari, he whakatipu hoki i te reo Māori i roto i tō tātou kaupapa o Te Ao KITA.

Ehara tēnei i te whakataetae noa iho. He kaupapa hei whakakaha i te whanaungatanga, te kotahitanga, te mana Māori me te reo rangatira. Mā te pā whutupaoro e hui tahi ai ngā teina, ngā tuakana, ngā rangatahi, ā, mā te reo Māori e hono ai ngā tāngata ki a tātou anō.

Ko tā mātou wawata, kia rangona te reo Māori i ngā wāhi katoa o te whakataetae, i ngā kōrero a ngā kaiwhakahaere, i ngā tohutohu a ngā kaiako, i ngā tohutohu a ngā kaiwawao, i ngā mihi, ā, i ngā whakanui hoki.

He reo ora, he iwi ora. 
He iwi kotahi, he kaupapa kotahi.
Mā te reo Māori e tū ai tātou.

Ngā whāinga o te kaupapa

• Kia whakakotahi i ngā Kura Kaupapa Māori, i ngā Kura ā iwi me ngā Kura Rūmaki Reo Māori.
• Kia whakanuia, kia whakamahia te reo Māori i roto i te whakataetae.
• Kia whakawhanakehia te māia o ngā rangatahi ki te kōrero Māori.
• Kia waihangatia he wāhi e taea ai e te reo Māori te rere noa i roto i te pā whutupaoro.
• Kia whakatipu i ngā rangatahi hei rangatira mō āpōpō, mā roto i te hākinakina me te reo.

Ko te reo Māori te reo o te kaupapa.
Ko te whanaungatanga te manawa.
Ko te hākinakina te ara.
Ko te kotahitanga te whāinga.

Danielle TahurI
0272010211
teaokita@gmail.com