Hei mua koe ia matou e Ihowa
Hei tohutohu ia matou mahi katoa
Ko koe ano hoki hei whakakaha ia matou
kia whaikororia ai koe ia matou mahi katoa
hei mea timata, hei mea mahi
hei mea whakaoti i roto i a koe
kia whiwhi ai hoki matou ki te ora tonu i te mea e atawhaitia e koe
ko Ihu Karaiti hoki to matou ariki Amine

He honore he kororia - ki te atua
he maunga rongo - ki te whenua
he whakaro pai ki nga - tangata katoa
hanga e te atua - he ngakau hou
ki roto ki tena ki tena - o matou
whakatohungia to wairua tapu - hei awhina
hei tohutohu ia matou - hei ako hoki
i nga kupu i roto i te roopu awhina reo kaupapa tikanga Maori - Takitimu ataarangi
Kia tau kia tatou katoa - te atawhai
o to tatou ariki o - Ihu Karaiti
Me te aroha o te Atua me te - whiwhingatahitanga
Ki te wairua tapu - ake ake amine

Ka tirohia te ripeka i mate ai te arikinui
ka iti haere taku pai ki enei taonga hemo noa X2

Ko te Amorangi ki mua, ko te hapai o ki muri
te tuturutanga mahi pono o te Maori manamotuhake
Whaia e koe te iti kahurangi ki te tuohu koe me he maunga teitei
E hara taku toa i te toa takitahi, engari taku toa he toa takitini
I runga i te ingoa o te tokotoru tapu
Te atua matua to tatou kaihanga
Te atua tama to tatou kaiwhakaora
Te atua wairua tapu to tatou kaiwhakama
E whakama torutoru te tomairangi atawhai ki roto ia tatou
Te hau oranga taha tinana
Te hau oranga taha hinengaro
Te hau oranga taha wairua
Ake ake amine